NUJÎYAN

Nujîyan ez bi gori min bihîst bavê te te daye îşev buye şeva nîşaniyê. 

Ez evdalê xwudê wek pepukekî hatim ser kûleka mala bavê te gohdariyê.

Min bala xwe didayê berbûya çavên te kil kiribûn dest û tilî yên te henne dikirin ji xwera dikirin kêf henek û seyraniyê.

Ez bi heyran heger tû bi minra rats bû ez bi tera bê bextbûm, Ez hêvîdarim ji xwudê bila ez neqetînim cilên zavatiyê.

Heger ez bi tera rastbûm û tû bi minra bêbext bu, hêviya min ji xwedê yê dilovan heye bila tû qet şa nebî li ber mal û miraza, neqetînî xêlîya wî bûktîyê.
Te min hîşt tû çûyê ez mam

Destê min qetîya ji erdû ezman

Wek evdalê kî li ber dûwaran  

te min histuxar kir Nujîyan. 

 *  

Def û zînê lêxist siwar hatin te siwarkirin. 

Hespê xwe meşandin te ji mala me derbas kirin.

dema kû tû zivirî te limin mêzekir 

min got qeyê cerg û dilê min dibirin. 

wey bê bextê, evan kûrê keran çawa negotin 

ev xortê hanê gûneye, evan zaliman çira mala min Xerab kirin. 
Tû çûyê ez mam wek darekî bê av

Weke dergûşekî bê dayîk û bê bav 

Weke welatekî bê al û bê nav 

Bê te min xwe wenda kirîye Nujîyan. 

*

Edî tu tunî ezê çawa jîyan bikim di vî gûndêda. 

Jîyana min bûye axîn,axîna min bûye lorîk di kişe ji çavên minda. 

Bê te bêhna min digre rihê min di fetise di laşê minda. 

Radizêmê tû xewnê minda, radibim tu di xeyalê minda. 

Ez çibikim bê te jîyan nabe tû bû sedema jîyankirina min.
Tava tebaqê min germ nake

Dil rezîle qet şerm nake 

Ev evdala te jibîr nake 

Sozê te derew tû jî bêbext bû 

Nujîyan.

Fecri Dost -Tendurekpost 

About Post Author

Fecri DOST

fecridost@gmail.com

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %